المشكله تنصحين و تغلطين

كلماتي بين شاب وخطيبته وعمه(ابو خطيبته)
*************************************************
الشاب:

جيتك عاشق وملهوف
ماتهمني الفلوس والألوف

أبيك تروين حبي العطشان
أبيك تشوفين قلبي الولهان

جيتك صادق الأحساس
ولافكرت في بنات الناس

لو تبين روحي عطيتك
لو تحبيني شريتك************************************

البنت:

عرفتك صادق الأحساس
عرفتك غير هالناس

معدنك صافي وحنون
وفي النهاية تراك مطعون

حبيتك وكلمت غيرك
تدلعني وأتدلع لغيرك

أخلصت في حبك لي
وأنا خنت أقرب الناس لي

غلطت في حقك كثير
صدقني واللي تبيه راح يصير***********************************

الشاب:

طعنتيني في ظهري وتعتذرين
وخطبتنا ماصار لها سنتين

شريتك بمال قارون
وبخيانتك غطيتي على شارون

صراحتك قطعت قلبي تقطيع
وخايف على حبي يضيع

نعـــم أنا أحبـــــــــك
بس للأسف مادري عن حبك

تمسكنتي لما تمكنتي
ولغيري رحتي وتهنيتي

أنا غلطاتي صغيرة
وأنتي غلطتك كبيرة

حب وحنان عطيتك
بخاينة وغدر خذيتك

شوفي أهلك يرفعون الراس
وبفعلتك طيحتي الفاس

وش ناقصني وشفتيه في غيري
تكفين وقوليلي وريحي ضميري

أخاف أسكت وأصير غلطان
وأخاف أتكلم وتروحين للهجران

أوعديني الغلط ماتعيدينه
وراح أنسى هذا بعينه

أنا مابي أعتذارك
أنا أطلب اعتدالك*****************************************

البنت:

ماتبي مني اعتذاري
وتطلب مني اعتدالي

كيف أحصل واحد مثلك
وأنا من البداية ماحشمتك

أنت أميري ومالي سواك
أنت تآمر وأنا أمشي على هواك

لو تبي عيوني عطيتك
بس اغفرلي ترجيتك

افتح صفحة جديدة
ترى الله ستار على عبيده
*****************************************

الشاب:

عشانك تركت الدخان
خايفة علي من السرطان

مستعد أموت عشانك
وأنتي ولا في بالك

أظن كنت في عينك جاهل
ماتدرين أني أنا فاهم

منو كنتي تكلمين
وعشانه نسيتي عشرة اسنين
***************************************

البنت:

خايفة أتكلم وأخاطر
وأشوفك مكسور الخاطر

بن عمي وعمك من بعيد
ساكن في الديار البعيد

والثاني أصحى الفجر عشانه
أنتظر منه ايميل ولهانه

كان فطوري قبل الجامعة
وهمي وأنا راجعة
**********************************
الشاب:

آآه وين أودي وجهي من بن عمي
قوليلي مين يشيل همي

أتخيله يطالع فيني
ويقول هذا حبيبتك تحاكيني

أنا ما أرضى على كرامتي تنهان
وأعيش في أوهام وأحزان

اسمحلي ياعمي بنتك ما أبيها
خذها بيتك وعزيها

عزها على من صانها واغدرت فيه
على من تألم ولا قالت وش فيه
****************************************

العم:

بنتي اللي وعدتني تحافظ عليها
ترجعها قبل لاتدخل عليها

كل مشكلة ولها حل
وأنت ياولدي لاتستعجل

خذها بيتك وعاتبها
ومشكلتك ذي عالجها************************************

الشاب:

بس ياعمي لاتعور قلبي
ترى كل اللي صار ماهو ذنبي

أحبها وماقدر أخليها
بس نار قلبي لازم أطفيها

تعالي يامنى عيني
تعالي قربي وضميني

بيتك راح ترجعينه
وزوجك راح تضمينه

بقولك شي ولاتزعلين
مشكلتك تنصحين وتغلطين